قصتي انا وخوياتي ايام الهبال والدجه ..

[color=olive]هذي قصتي انا وخوياتي ايام الهبال والدجه ..

المتكونه من(تسذا- سمسم -ام عيون- حنّّّّو) كنا باول ثانوي
كانت بلاوينا وش كثرها بس مو دايم نجيب العيد الا مره عيدنا عيد وش زينه >>>هذا من الحظ الزين
اللي هو:
في مره من المرارررررررررررير كنا طفشانين مره لانه ما بقى شي ما سويناه في المدرسة حتى الادارةاذا مر اسبوع وما سيرنا عليهم يستغربون وينا دونا يقولون عسى ما شر وش هالغيبه لايكون فيه شي وحنا اخر من يعلم>>افا وحنا نقدر انتم الاساس
المهم
على غير العاده سكوت وهجده:
تسذا:بنات وش سالفة اهلكم تحركوا خلنا نسوي شي
حنو:ما بقى احد في المدرسه ما غثيناه حتى المدرسات ملاحق حنا وياهم في الاسياب
ام عيون:تونا طالعين من الاداره خل ناخذ نفسنا يومين ترى صارت بلاوينا على كل لسان ما بقى الا اهلنا يدرون>>> نقيتي علينا يا حولا
تسذا: عندي فكرة شي
سمسم: ياشين افكارك احيان تودينا في داهيه مثل فكرة بنات الليل >>>سالفة بنات الليل ذي سالفه بس بختصرها.. اللي هي اني اخترت لنفسي اسم جريحة الليل وانا ما اسوي شي الا وخوياتي مثلي المهم اللي سميناها اهات الليل واللي اسيرة الليل واللي همس الليل المهم طلعنا اسم لشلتنا بنااااااااات الليل
وقمنا نكتب على جدران المدرسه فرحانين ياسم شلتنا الجديد بعد ما كان (طنش تعش تنتعش>> يلعن ام الزحفان
المهم ويشنون علينا المدرسه حملة وجابوا لنا الهيئة ومنا ومنا حاولنا نقنعهم اننا ما ندري وش معنى بنات الليل المهم تعهدات وتبكبك وسامحونا ولكنهم ما اقتنعوا>>>شفتوا وشلون حنا مظلومين
المهم نكمل خطة تسذا
تسذا:لا هالمرة محد راح يدري عنا عندي فكرة جهنمية وبعيد عن المدرسة وش رايكم (نهبق)يعنى ما نروح المدرسة
ام عيون : لا لا الا كذا وش ذي الحركات ضفي وجهك
تسذا: اقولك خليني اكمل انت وعيونك ذي يا الدباااا
سمسم وحنو:يلا على يدك عليهم عليهم
تسذا: منهم اللي عليهم انتم بس مع الخيل يا شقرا
البنات:اللي بنطبق عليهم فكرتك لايكون بس الحارس وحرمته الفراشة ترى ما بقى غيرهم
تسذا:لا ذي المره وناسة غير شكل بنتفق لا وصلت البيت اوكي خلنا الحين نروح نرقص في دورة المياه شوي والا نفحط في الاسياب

سمسم:الحقوا بنات ولد الوكيلة جا يلا نروح نكفخه لا وبعد معه بنت المديره الدبيه يلا نمصع اذانيها
المهم رحنا كلنا لبيوتنا.. ثم دار الحوار بين الاربعة .. من زود التحمس دخلنا بخط جماعي>>>متحمسين مره ما دروا وش بيصير.. يا حليلهم
تسذا:اسمعوا يا بنيات انا اليوم عقدت هذا الاجتماع لاهمية ما سنفعله باتسر اقصد غدا
حنو:اخلصي عن التمطع.. علمينا
تسذا:اقول انطمي وانت تسمعين..هذي الايام مراجعه وما فيه احد ياخذ الغياب اوكييييع بدل السلتحه في هالمدرسة المروحه تعالوا سيروا علي
سمسم:اهلنا ما يرضون
تسذا:ومن بيعلمهم يا بقرة عاد من حبهم لي ما خلوكم في النهار بيخلونكم 6الصبح تسيرون على
ام عيون : لا انا خايفة ما ابي وقفلت السماعه
سمسم:اصرفلها هي وعيونها لا نها بتخرب علينا ..بس كيف حنا ومرايلينا حوسه وش بتقول امك علينا
تسذا: هاتوا ملابسكم معكم انا اصرفها لكم اوكيييييييييه..باي

بعد شوي .. تسذا راحت لامها وواثقه من نفسها .....
يمه.. ترىا لشله قصدي صديقاتي بيجون عندي بكره
امي:الله يحيهم بس ورا ما يجون اخر الاسبوع ازين
تسذا: لانهم بيجوني الصبح
امي:متى يعني ..الضحى
تسذا:لا وش حركات الحريم ذي الضحى يالله لك الحمد بيجون الساعه 7 الله يسلمك
امي: وشو الصبح




يتبــــــــــــــــــــــــــــــــــــــــــع