الحين اكمل لكـــــــــــــــــــــــــــــــــــــــــــــــم
تسذا: ايه يمه لا نهم من بيجيبهم الضحى وحنا نبي نذاكر زين نبي وقت اطول
وفي اليوم التالي: تولمت من الصبح وكشخت دق الباب>>>واعدي راكضتن
تسذا: هلا والله افااااااااااااا وش ذا بمرايلكم يا الدلوخ حنا وش قلنا امي هنا روحوا البسوا وبعدين تعالواااا اوكيييييع فمااااااااان الله وصكيت الباب >>> يلعن ام الصداقه
البنات : طيب وين نلبسها
تسذا: موب شغلي .. في درج الطوارئ ماعليكم مافي احد روحوا بسرعة والا اخربط وجيهكم
شوي جو ودخلوا وسلموا على الوالدة وتطمنت ورقدت
وقمنا نحوس البيت كاني اول مرة اشوف بيتنا ومسجل وحركات ولبست ثوب وتلطمت بالشماغ وعطيتهم شمغ وقمنا نرقص على فرقه السيف وانواع السامريات خخخخخخ
ثم فطرنا وعلينا بالخير وكملنا مابديناه الين جا الظهر وقاموا يغيرون ملابسهم وهم طالعين قامت الوالدة عشان تودعهم وكفشتهم بالمراييل لكنها سكتت <<<<<ماما ماتبي تفشلني قدامهم عادتها
بعدين قالت امي لا تعودينها ياويلك تسوين مثلهم<<<<<<مادرت اني انا الي منظمه القاعدة
تسذا:افااااااوانا بنت ابوي موب انا الي اسويها<<<<<عاقلتن بالحيل
وتم ذاك اليوم على خير وبعد كم يوم لزمت علينا سمسم اننا نسير عليها<<< مايصير الحرمة حلفت مانردها
وانا ماصدقت خبر وبعد الاغراءات اقنعنا ام عيون انها تجي معنا وبما انها ماتعرف شي طلعنا انا وحنو الصبح في احدى العماير المجاورة للمدرسة بعد ماحطها اخوها عند المدرسة ومير تذكر وتجينا وهي تنافض ثم رحنا عند سمسم وهيصنا ومن غرفة لغرفة حسنا الدنيا
وحطينا على قناة lbcالبنانية وكان فيها اغنية تايتنك وبما ان ام عيون وحنو مفحطين ولا عمر ابوهم شافوا دش فتحوا فمهم وسنتروا عند التلفزيون وعيو يقومون
سمسم: تسذا اخذنا ذنبهم
تسذا:راحت وجات على ذا الشئ اقول قم بس قم خليهم يشوفون حياتهم ههه <<< قمة العربجة
المهم خلا ص رجعنا لبيوتنا
اليوم الثاني رحنا المدرسة
وحدة من البنات:وينكم داجين كلهم مستغربين الغياب الرباعي المفاجئ
تسذا:عادي ماودنا نجي نثقل
حنو:اقول ام عيون وينها ماشفناها وحشتنا لنا كم يوم ماشفناها هههههاي تاخرت
تسذا:يمكن ضيعت طريق المدرسة
سمسم:بعذرها هي وعيونها هههههههههاي
بنت ملقوفه:ليه انتم مادريتوا وش صار..؟؟ اوالده ام عيون جت امس وسالت عنها ويقولون انها ما لقتها
تسذا:لا كثري منها انت ووجهك ذا
حنو:يا نصابه شوفي عيونها جايه من بعيدههههههههاي هلا والله بالطش والرش والدب المرنقش
ام عيون:امي ا امس جت المدرسة تسال عن التقويم اللي شقيته تدرون اول مره تدخل المدرسه>>>بلاه من حظك الزين انت وخوياتك..مااالت
نصبت عليها وقلت لها اني كنت نايمه في المعمل لا ني تعبانة
سمسم: مشت عليها ،ام عيون :ايه اشوى
تسذا:اكيد بتمشي عليها موب انت بنتها .. الله يخلف
ام عيون :وشو ، تسذا: لا سلامتك
وجاء اليوم الثاني وكثرت الاشاعات حول المزايين
حنو: بنات تدرون وش يقولون علينا.. يقولون اننا طلعنا مع واحد اسمه مصطفى بخاري في الموستنغ وكنا نرقص بعد
تسذا: ما لقوا غير هذا الحضري>>>> هذا اللي همها شكلها تبيه واحد من ربعها خخخخخخ
ثم اتى صوت جميل من خلفنا: سمسم حنو ام عيون الاداره تبيكم
تسذا: هلاااااااااااااا لا تجيبون سيرتي>>>>يلعن ام النذاله
ومضت ساعتين وانا على احر من الجمر ومن زود الذل رحت ابي اصليلي ركعتين الا وجايتني زينة الحلايا اليد اليمين للمديره الله يا خذها متقعدتلي >>>ضعيفه مظلوووومه الله حسبي عليكم
قالتلي : تسذا تعالي، قلتلها شوي مو الحين>>>مسويه انها مهمه
قالت :لا الحين، يوم شفتها عند اللفت رحت بسرعه لها قلت اكيد بروح للاداره باللفت ونااااسه واطلع معها
وسالتني وين كنتي يوم السبت ، انا: كنت غايبه، الاستاذه: ابي الصراحه وين كنتي،انا: والله كنت غايبة مو مصدقتني طيب ليه السوال ، المهم وياقف اللفت عاد واسبقها بما اني حافظه الطريق اكثر منها ومير ادخل وكنه بيت ابو جدي ..
سلااااااااااام>>>>>قووووووة عين
المديرة:هلا تسذا وين كنتي يوم السبت
تسذا (بكل ثقة ) والله غايبة وش سالفتكم انتم
حنو: (بصوت خفيف ) اعترفنا>>>>هلااااااا والله
المديره : وتحلفين بعد
تسذا: لا ما كذبت ايه غايبه ورحت بيت سمسم<<< يلعن ام الذهانه هههههه اللي موب حزتها
وانظر والا اشوف ام حنو موجوده تناظرني كنها بتاكلني
تسذا: هلا خاله وشلونك سيرو علينا >>> خبله لها وجه تكلمها بعد
ام حنو: تستخفين دمك>>>شفتي يلا لقطي وجهك..يلعن ام التكشيمة
ومير اتفشل واسكت
المديره : وين كنتوا اعترفوا
سمسم: والله كانوا عندي
المديره خلوا عنكم الكذب
ونحلف ومير ما يصدقوننا والا الحمد لله ام سمسم شافتنا يوم فتح ورعها الصغير الباب>>>شفتوا وشلون الصغار ينفعون لا فتحوا البيبان
واستدعوا ام سمسم وجت واقرت انها شافت طخخنا
المديرة: سمسم : اخوك كم عمره ، سمسم: 19 سنه
المديره: ايه اكيد تحبونه>>>>>>>>وقمنا نتذكر يوم شفناه وهو نايم بالصاله وفاتح فمه وسنونه مقلبه وتحومت كبودنا مع ذا الصبح..
الحمد لله طلعنا منها بس بتعهد اننا بعد الا ختبارات نسحب ملفاتنا والا يفصلونا من الرئاسه>>>>>>>>فشله لو صارت
بس بقى مشكله ما بقى الا استدعاء ام تسذا وبما انها لها واسطه قويه هي الوكيله حاولت فيها انها تساعدها لكنها ابت لانها تفشلت من معرفتها بها>>>>>>> لها الشرف ومن كبر حظها انها تعرف شخصيه مهمه ومشهوره في عالمنا العربي بس وش فهماها هي
المصيبه تسذا وشلون بتقول لامها
تسذا: يوه الحين هي راقده واذا صحيتها راح تلعن والدين والدين اللي جابوني لااااااا واذا درت العن والعن
يمه يمه ماما ماما>>>>>>انواع الدحلسه بدت
امها:خيييييييييير
تسذا :بالله الخيرة هلاااااااا والله يمه اذا ما فيه ازعاج ابيك بكلمتين>>>>>وش ذا الادب اروووووووح انا
امها:اكيد مخزيه ، تسذا:المدرسه تبيك .. لاني رحت عند سمسم يومالسبت...
امها :طاعون يطعنك انا وش قايلتلك والله لعلم ابوك
تسذا: لا تكفين الا دراستي مستقبلي لالا>>>>>>مهتمه مره
المهم وتكلم امي الواسطه حقتنا بس كان شرطهم اني اسحب الملف بعد الاختبارات مباشرتن>>>>>بعذرهم ما يبونك...وانتهت سالفتي
المشكله في حنوعيت امها تردها البيت بما انهم عائلة متشددة مره ما كانت مصدقه بنتها>>>>مدري وش فيهم الاهالي ما يعطون بناتهم الثقة>>>يالخبله عن التفلفس الثقة للي يستاهلها موب انتم
المهم امها قالت لازم اتاكد انك باقي بنت ما خربتي ودتها عند بيت ام سمسم وسالتها وتاكدت وبردت حماها واخيرا ردت حنو للبيت...
ام عيون امها هاوشتها بس .. لانها فعلا غلبانه بس حظها الردي اللي طيحها في مهبل بايعينها شعارهم(شباب في رحلة ضاع تيسهم........وما يدرون وين ربي حاطهم)
النهاية
من زود الادب>>قولي من زود الذل ..
مرت الاختبارات وحنا هاديين وما تمتعنا فيها ابد بدليل ان حنو معها 8 مواد يعني باقيه للاعادة.. وام عيون طلعت منها سليمة بس تقديرها جيد اول مره تنزل لهذا المستوى.. وسمسم معها رياضيات هي و تسذا مشاركة وجدانية
حنو بعد النتيجه حرموها اهلها من الدراسه ودخلت تحفيظ القران ههههههههه
وباقي الشلة اكملوا السنتين مودبين مهما انه مو لايق عليهم وتخرجوا من الثانوي وصاروا حريم>>>>امحق حريم
والحين هم في كليه واحده ولا حتى بينهم السلام للاسف بس هذا حااااال الدنيااااا
ومن اخر العلوم اللي وصلتني حاليا (سم سم متملكه وعرسها قريب - وام عيون عندها بزرين –
وحنو توها والد ببنت – وانا مكتوب على جبهتني لودنق هههههه )
منقـــــــــــــــــــــــــــــــــــــــــــــــــــــــــــــــــــــول[/color]
الأحد نوفمبر 30, 2008 6:20 am
